Xehetasunak
Data eta ordua:
6 de ekaina de 2023 / 08:00 – 28 de uztaila de 2023 / 17:00
Egoitza
“Zientzia kalean” erakusketa Bergarako Laboratorium museoaren sarreran bisitatu daiteke jada. Esposizioa Gipuzkoan jartzen den lehen aldia da eta ikusgai egongo da uztailaren Z8ra arte.
Hamaika infografiaz osatutako erakusketa ibiltaria da eta irudi horietan egunero inguruan ditugun, erabiltzen edo kontsumitzen ditugun produktuen azalpen zientifikoa eskaintzen da. Infografien bitartez mugikorren, barra kodeen, txertoen, iturriko uraren eta sukaldeko plaken funtzionamendua azaldu da. Horretaz gain, jogurten, garagardoaren, zuhaitzen hostoen, ogi barren edo fruituen konposizioaren inguruko azalpenak ere eskaini dira.
Gorka Artola Bergarako alkateak ezagutza zabaltzearen garrantziaz hitz egin du: “Mota honetako ekimenak oso baliagarriak dira zientzia gizarteratzeko: ezagutza kalera atera eta zuzenean herritarren eskura jartzen dutelako”.
Era berean, nabarmendu du “oso pozgarria” dela Gipuzkoan erakusketa jasotzen duen lehen herria Bergara izatea eta gogoratu du “etenik gabe” egiten dutela lan herritarrei zerbitzurik onenak emateko.
Irudiak deskargatzeko aukera
Erakusketa bisitatzeaz gain, irudiak deskargatzeko aukera dago infografietan dagoen QR kode baten bitartez.
Erakusketa Euskal Herriko Unibertsitatearen Kultura Zientifikoko Katedraren eta Nafarroako Unibertsitateko Zientzia Museoaren egitasmoa da eta UPV/EHUko Ikerketa Gizartera Zabaltzeko Zuzendaritzak eta Euskampus Fundazioak jarri dute martxan.