Xehetasunak
Data eta ordua:
15 de azaroa / 18:30 – 20:00
Hizkuntza: Eleanitza
Egoitza
Euskal Herriko Unibertsitateko Kultura Zientifikoko Katedrak ekoitzitako “Naturaren sekretua” dokumentala Bizenta Mogel Bibliotekarekin batera antolatutako Zientziaren Ertzetik hitzaldi zientifikoen zikloaren barnean ikusi ahal izango da.
Ikusentzunezko lan horrek Pedro Miguel Etxenike Euskal Herriko Unibertsitateko Materia Kondentsatuaren Fisikako katedradunaren, Donostia International Physics Center-eko (DIPC) presidentearen eta Jakiundeko (Euskal Herriko Zientzien, Arteen eta Letren Akademia) ohorezko presidentearen bizitza eta lana ezagutzeko aukera bat da.
55 minutuko iraupena duen lanean, Etxenikek zientziaren inguruan egindako hausnarketak azaltzen dizkio ikusleari, zer den eta zertan datzan galdetuz. Beraz, fisikari ospetsuak hausnarketa bat proposatzen du, edertasuna egiaren irizpidea ote den galdetzetik abiatuta.
“Naturaren sekretua” dokumentalaren proiekzioa ondorengo solasaldirako abiapuntu izango da, Jone Guenetxea Anboto astekariko zuzendariak gidatuta. Bertan, bertaratutakoek Etxenikerekin hitz egin ahal izango dute eta planteatutako hausnarketetan lagundu.
Proiekzioa eta ondorengo solasaldia azaroaren 15ean, ostiralean, izango dira, 18:30ean Durangoko San Agustin Kulturgunean.